ਮਿਲਾਨੋ–ਕੋਰਟੀਨਾ ਪੈਰਾਲੰਪਿਕ ‘ਚ ਕੈਨੇਡਾ ਨੂੰ ਮਿਲਿਆ ਪਹਿਲਾ ਸੋਨੇ ਦਾ ਤਮਗਾ

ਆਪਣਾ ਪੰਜਾਬ ਮੀਡੀਆ : ਕੈਨੇਡਾ ਦੀ ਖਿਡਾਰਨ ਨੈਟਲੀ ਵਿਲਕੀ ਨੇ ਮਿਲਾਨੋ–ਕੋਰਟੀਨਾ ਪੈਰਾਲੰਪਿਕ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਦੇਸ਼ ਲਈ ਪਹਿਲਾ ਸੋਨੇ ਦਾ ਤਮਗਾ ਜਿੱਤ ਲਿਆ ਹੈ। ਉਸ ਨੇ ਐਤਵਾਰ ਨੂੰ ਮਹਿਲਾ ਸਟੈਂਡਿੰਗ ਬਾਇਥਲਾਨ ਮੁਕਾਬਲੇ ਵਿੱਚ ਪਹਿਲਾ ਸਥਾਨ ਹਾਸਲ ਕਰਕੇ ਇਹ ਉਪਲਬਧੀ ਆਪਣੇ ਨਾਮ ਕੀਤੀ। ਕੈਨੇਡਾ ਦੇ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਦੇ ਸੈਲਮਨ ਆਰਮ ਸ਼ਹਿਰ ਨਾਲ ਸੰਬੰਧਿਤ 25 ਸਾਲਾ ਨੈਟਲੀ ਵਿਲਕੀ ਨੇ ਇਸ ਤੋਂ ਇਕ ਦਿਨ ਪਹਿਲਾਂ ਮਹਿਲਾ ਸਪ੍ਰਿੰਟ ਮੁਕਾਬਲੇ ਵਿੱਚ ਚਾਂਦੀ ਦਾ ਤਮਗਾ ਵੀ ਜਿੱਤਿਆ ਸੀ। ਉਸ ਨੇ ਟੇਸੇਰੋ ਕ੍ਰਾਸ-ਕੰਟਰੀ ਸਕੀਇੰਗ ਮੈਦਾਨ ਵਿੱਚ ਆਪਣਾ ਦੌਰ 33 ਮਿੰਟ 1.8 ਸਕਿੰਟ ਦੇ ਸਮੇਂ ਵਿੱਚ ਪੂਰਾ ਕੀਤਾ ਅਤੇ ਸ਼ੂਟਿੰਗ ਦੌਰਾਨ ਕੋਈ ਵੀ ਗਲਤੀ ਨਾ ਕਰਦੇ ਹੋਏ ਸ਼ਾਨਦਾਰ ਜਿੱਤ ਦਰਜ ਕੀਤੀ।