ਅਮਰੀਕਾ 'ਚ ਰਾਸ਼ਟਰਪਤੀ ਜੋ ਬਾਈਡੇਨ ਪ੍ਰਸ਼ਾਸਨ ਨੇ ਰੂਸ ਦੇ ਵਿਰੋਧੀ ਧਿਰ ਦੇ ਨੇਤਾ ਨਵਲਨੀ 'ਤੇ ਜਾਨਲੇਵਾ ਹਮਲੇ ਅਤੇ ਬਾਅਦ 'ਚ ਉਨ੍ਹਾਂ ਨੂੰ ਜੇਲ ਭੇਜਣ ਨੂੰ ਲੈ ਕੇ ਰੂਸ ਦੇ ਅਧਿਕਾਰੀਆਂ ਅਤੇ ਕਾਰੋਬਾਰਾਂ 'ਤੇ ਮੰਗਲਵਾਰ ਨੂੰ ਪਾਬੰਦੀ ਲਾਉਣ ਦਾ ਐਲਾਨ ਕੀਤਾ। ਬਾਈਡੇਨ ਪ੍ਰਸ਼ਾਸਨ ਦੇ ਸੀਨੀਅਰ ਅਫਸਰਾਂ ਨੇ ਉਨ੍ਹਾਂ ਅਧਿਕਾਰੀਆਂ ਦੀ ਤੁਰੰਤ ਪਛਾਣ ਨਹੀਂ ਦੱਸੀ ਜਿਨ੍ਹਾਂ 'ਤੇ ਪਾਬੰਦੀ ਲਾਈ ਗਈ ਹੈ।ਬਾਈਡੇਨ ਪ੍ਰਸ਼ਾਸਨ ਨੇ ਅਮਰੀਕੀ ਕੈਮਿਕਲ ਐਂਡ ਬਾਇਓਲਾਜੀਕਲ ਆਰਮਜ਼ ਕੰਟਰੋਲ ਐਂਡ ਵਾਰ ਐਲੀਮੀਨੇਸ਼ਨ ਐਕਟ ਤਹਿਤ 14 ਵਪਾਰ ਅਤੇ ਹੋਰ ਉੱਦਮਿਆਂ 'ਤੇ ਵੀ ਪਾਬੰਦੀ ਦਾ ਐਲਾਨ ਕੀਤਾ। ਇਨ੍ਹਾਂ 'ਚੋਂ ਜ਼ਿਆਦਾਤਰ ਜੈਵਿਕ ਰਸਾਇਣ ਜ਼ਹਿਰ ਬਣਾਉਂਦੇ ਹਨ। ਸੀਨੀਅਰ ਅਧਿਕਾਰੀਆਂ ਨੇ ਦੱਸਿਆ ਕਿ ਅਮਰੀਕੀ ਖੁਫੀਆ ਗਰੁੱਪ ਦਾ ਸਿੱਟਾ ਹੈ ਕਿ ਰੂਸ ਦੀ ਸੰਘੀ ਸੁਰੱਖਿਆ ਸੇਵਾ ਨੇ ਪਿਛਲੇ ਸਾਲ ਅਗਸਤ 'ਤ ਅਸੰਤੁਸ਼ਟਾਂ 'ਤੇ ਰੂਸੀ ਨਰਵ ਏਜੰਟ (ਇਕ ਤਰ੍ਹਾਂ ਦਾ ਜ਼ਹਿਰ) 'ਨੋਵਿਚੋਕ' ਦਾ ਇਸਤੇਮਾਲ ਕੀਤਾ ਹੈ।ਬਾਈਡੇਨ ਪ੍ਰਸ਼ਾਸਨ ਵੱਲੋਂ ਪਹਿਲੀ ਵਾਰ ਰੂਸ 'ਤੇ ਪਾਬੰਦੀ ਲਾਈ ਗਈ ਹੈ। ਪ੍ਰਸ਼ਾਸਨ ਨੇ ਰੂਸ ਦੇ ਵਿਰੋਧੀ ਧਿਰ ਦੇ ਨੇਤਾਵਾਂ 'ਤੇ ਕਥਿਤ ਹਮਲੇ, ਅਮਰੀਕੀ ਏਜੰਸੀਆਂ ਅਤੇ ਕਾਰੋਬਾਰਾਂ ਨੂੰ ਹੈਕ ਕਰਨ ਨੂੰ ਲੈ ਕੇ ਰੂਸੀ ਰਾਸ਼ਟਰਪਤੀ ਵਲਾਦਿਮੀਰ ਪੁਤਿਨ ਨਾਲ ਮੁਕਾਬਲਾ ਕਰਨ ਦਾ ਸੰਕਲਪ ਲਿਆ ਹੋਇਆ ਹੈ। ਈ.ਯੂ. ਪਹਿਲਾਂ ਹੀ ਨਵਲਨੀ ਮਾਮਲੇ 'ਚ ਰੂਸ ਦੇ ਕੁਝ ਅਧਿਕਾਰੀਆਂ 'ਤੇ ਪਾਬੰਦੀ ਲਾ ਚੁੱਕਿਆ ਹੈ। ਈ.ਯੂ. ਨੇ ਮੰਗਲਵਾਰ ਨੂੰ ਨਵੀਆਂ ਪਾਬੰਦੀਆਂ ਦਾ ਐਲਾਨ ਕੀਤਾ ਜਿਨ੍ਹਾਂ 'ਚ ਨਵਲਨੀ ਨੂੰ ਜੇਲ ਭੇਜਣ ਨੂੰ ਲੈ ਕੇ ਰੂਸ ਦੇ ਆਲਾ ਅਧਿਕਾਰੀਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ।

ਇਰਾਕ ਸਥਿਤੀ ਅਮਰੀਕੀ ਫੌਜੀ ਸ਼ਿਵਰਾਂ 'ਤੇ ਬੁੱਧਵਾਰ ਨੂੰ ਰਾਕੇਟ ਨਾਲ ਹਮਲਾ ਕੀਤਾ ਗਿਆ। ਇਹ ਜਾਣਕਾਰੀ ਸੁਰੱਖਿਆ ਸ੍ਰੋਤਾਂ ਤੋਂ ਮਿਲੀ ਹੈ। ਅਫਗਾਨਿਸਤਾਨ ਨੇ ਅਨਬਰ ਸੂਬੇ 'ਚ ਸਥਿਤ ਏਨ ਅਲ ਅਸਦ ਏਅਰਬੇਸ 'ਤੇ ਰਾਕੇਟ ਨਾਲ ਸਥਾਨਕ ਸਮੇਂ ਮੁਤਾਬਕ 7:20 ਵਜੇ ਹਮਲਾ ਹੋਇਆ।ਇਹ ਜਾਣਕਾਰੀ ਬੁਲਾਰੇ ਕਰਨਲ ਵਾਇਨ ਮਾਰੋਟੋ ਨੇ ਦਿੱਤੀ।ਫਿਲਹਾਲ ਕਿਸੇ ਦੇ ਜਾਨੀ ਨੁਕਸਾਨ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।

ਅਮਰੀਕਾ 'ਚ ਛੇ ਜਨਵਰੀ ਨੂੰ ਸੰਸਦ 'ਚ ਹੋਈ ਹਿੰਸਾ ਦੇ ਮਾਮਲੇ 'ਚ ਖੁਫ਼ੀਆ ਏਜੰਸੀ ਐਫਬੀਆਈ ਸਵਾਲਾਂ ਦੇ ਘੇਰੇ 'ਚ ਹੈ। ਹਿੰਸਾ ਤੋਂ ਬਾਅਦ ਪਹਿਲੀ ਵਾਰ ਏਜੰਸੀ ਦੇ ਮੁਫੀਆ ਕ੍ਰਿਸ ਰੇ ਨੂੰ ਸੀਨੇਟ ਦੇ ਨਿਆਂਪਾਲਿਕਾ ਕਮੇਟੀ ਦੇ ਸਵਾਲਾਂ ਦਾ ਜਵਾਬ ਦੇਣਾ ਹੋਵੇਗਾ। ਕੈਪੀਟਲ ਹਿੰਸਾ ਦੇ ਮਾਮਲੇ 'ਚ ਜਾਂਚ ਚਲ ਰਹੀ ਹੈ। ਇਸ ਨਾਲ ਹੀ ਇਹ ਵੀ ਵੱਡਾ ਸਵਾਲ ਉਠ ਰਿਹਾ ਹੈ ਕਿ ਇਨ੍ਹੀਂ ਵਿਆਪਕ ਹਿੰਸਾ ਦੇ ਮਾਮਲੇ 'ਚ ਤਤਕਾਲ ਕੰਟਰੋਲ ਦੀਆਂ ਕੋਸ਼ਿਸ਼ਾਂ 'ਚ ਕਿੱਥੇ ਕਮੀ ਰਹਿ ਗਈ। ਇਹ ਸਥਿਤੀਆਂ ਉਸ ਸਮੇਂ ਦੀਆਂ ਹਨ ਜਦੋਂ ਸਾਰੀਆਂ ਸੁਰੱਖਿਆ ਏਜੰਸੀਆਂ ਸਤੰਬਰ 2001 ਦੇ ਹਮਲੇ ਤੋਂ ਬਾਅਦ ਨਿਰੰਤਰ ਆਪਣੇ ਨੂੰ ਕੌਮਾਂਤਰੀ ਅੱਤਵਾਦ ਨਾਲ ਲਡ਼ਣ ਖ਼ਿਲਾਫ਼ ਪੂਰੀ ਤਰ੍ਹਾਂ ਨਾਲ ਮਜ਼ਬੂਤ ਹੋਣ ਦਾ ਦਾਅਵਾ ਕਰ ਰਹੀ ਸੀ।ਸੀਨੇਟ ਦੀ ਨਿਆਂਪਾਲਿਕਾ ਕਮੇਟੀ ਦੇ ਸਾਹਮਣੇ ਐਫਬੀਆਈ ਮੁਖੀ ਕ੍ਰਿਸ ਰੇ ਨੂੰ ਜਵਾਬ ਦੇਣਾ ਪਵੇਗਾ ਕਿ ਚੂਕ ਕਿਸ ਪੱਧਰ 'ਤੇ ਹੋਈ। ਕੀ ਐਫਬੀਆਈ ਨੂੰ ਇਨ੍ਹੇਂ ਵਿਆਪਕ ਪੈਮਾਨੇ 'ਤੇ ਹਿੰਸਾ ਦੀ ਪਹਿਲਾਂ ਤੋਂ ਹੀ ਜਾਣਕਾਰੀ ਹੋ ਸਕੀ ਸੀ? ਇਹ ਜਾਣਕਾਰੀਆਂ ਮਿਲਣ ਤੋਂ ਬਾਅਦ ਹੋਰ ਏਜੰਸੀਆਂ ਨਾਲ ਆਮ ਪੱਧਰ 'ਤੇ ਕੀ ਕਮੀਆਂ ਰਹੀਆਂ ਉਸ ਲਈ ਕੋਣ ਜ਼ਿੰਮੇਵਾਰ ਹੈ। ਕਮੇਟੀ ਇਹ ਵੀ ਸਵਾਲ ਕਰ ਸਕਦੀ ਹੈ ਕਿ ਕੀ ਐਫਬੀਆਈ ਰਾਸ਼ਟਰੀ ਸੁਰੱਖਿਆ ਨੂੰ ਖਤਰਿਆਂ ਦਾ ਸਾਹਮਣਾ ਕਰਨ ਲਈ ਤਿਆਰ ਹੈ। ਉਸ ਕੋਲ ਸ੍ਰੋਤਾਂ ਦੀ ਕੀ ਸਥਿਤੀ ਹੈ। ਐਫਬੀਆਈ ਮੁਖੀ ਤੋਂ ਅਮਰੀਕਾ 'ਚ ਰੂਸ ਦੇ ਹੈਕਰਾਂ ਦੁਆਰਾ ਕੀਤੀਆਂ ਗਈਆਂ ਘਟਨਾਵਾਂ ਦੇ ਸਬੰਧਾਂ 'ਚ ਵੀ ਸਵਾਲ ਪੁੱਛੇ ਜਾ ਸਕਦੇ ਹਨ।