ਮਮਤਾ ਤੇ ਟੀ ਐੱਮ ਸੀ ਆਗੂ ਵੋਟਰਾਂ ਨੂੰ ਧਮਕਾ ਰਹੇ: ਭਾਜਪਾ

ਆਪਣਾ ਪੰਜਾਬ ਮੀਡੀਆ : ਭਾਰਤੀ ਜਨਤਾ ਪਾਰਟੀ ਨੇ ਅੱਜ ਚੋਣ ਕਮਿਸ਼ਨ ਤੱਕ ਪਹੁੰਚ ਕਰ ਕੇ ਦੋਸ਼ ਲਾਇਆ ਕਿ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਅਤੇ ਸੂਬੇ ’ਚ ਸੱਤਾ ਧਿਰ ਤ੍ਰਿਣਮੂਲ ਕਾਂਗਰਸ ਨੇ ਆਗੂ ਵਿਧਾਨ ਸਭਾ ਚੋਣਾਂ ’ਚ ਵੋਟਰਾਂ ਨੂੰ ਵੋਟ ਪਾਉਣ ਤੋਂ ਰੋਕਣ ਲਈ ਡਰਾ-ਧਮਕਾ ਰਹੇ ਹਨ। ਇਸ ਸਬੰਧੀ ਅਰਜ਼ੀ ਸੌਂਪਦਿਆਂ ਭਾਜਪਾ ਦੇ ਵਫ਼ਦ ਨੇ ਚੋਣ ਕਮਿਸ਼ਨ ਤੋਂ ਮੰਗ ਕੀਤੀ ਕਿ ਮਮਤਾ ਬੈਨਰਜੀ ਨੂੰ ਚੋਣ ਪ੍ਰਚਾਰ ’ਚ ਸ਼ਾਮਲ ਹੋਣ ਤੋਂ ਰੋਕਿਆ ਜਾਵੇ ਅਤੇ ਟੀ ਐੱਮ ਸੀ ਆਗੂਆਂ ਖ਼ਿਲਾਫ਼ ਐੱਫ ਆਈ ਆਰ ਦਰਜ ਕੀਤੀ ਜਾਵੇ। ਚੋਣ ਕਮਿਸ਼ਨ ਦਫ਼ਤਰ ’ਚ ਅਧਿਕਾਰੀਆਂ ਨੂੰ ਮਿਲਣ ਗਏ ਭਾਜਪਾ ਦੇ ਵਫ਼ਦ ’ਚ ਕੇਂਦਰੀ ਮੰਤਰੀ ਕਿਰਨ ਰਿਜਿਜੂ, ਪਿਊਸ਼ ਗੋਇਲ, ਸੁਕਾਂਤ ਮਜੂਮਦਾਰ ਅਤੇ ਹੋਰ ਸ਼ਾਮਲ ਸਨ। ਭਾਜਪਾ ਨੇ ‘ਸੰਵੇਦਨਸ਼ੀਲ ਤੇ ਅਸੁਰੱਖਿਅਤ ਮੰਨੇ ਜਾਣ ਵਾਲੇ ਖੇਤਰਾਂ’ ਵਿੱਚ ਕੇਂਦਰੀ ਬਲਾਂ ਦੀ ਤਾਇਨਾਤੀ ਵਧਾਉਣ ਦੀ ਮੰਗ ਕੀਤੀ।