ਆਪਣਾ ਪੰਜਾਬ ਮੀਡੀਆ : ਅਮਰੀਕਾ-ਇਜ਼ਰਾਈਲ ਦੀ ਇਰਾਨ ਨਾਲ ਜੰਗ ਦੇ ਤੀਜੇ ਹਫ਼ਤੇ ਵਿੱਚ ਦਾਖਲ ਹੋਣ ਦੌਰਾਨ ਸ਼ਨਿਚਰਵਾਰ ਨੂੰ ਬਗਦਾਦ ਵਿੱਚ ਅਮਰੀਕੀ ਦੂਤਾਵਾਸ ਦੇ ਕੰਪਾਊਂਡ ਅੰਦਰ ਇੱਕ ਹੈਲੀਪੈਡ ‘ਤੇ ਮਿਜ਼ਾਈਲ ਨਾਲ ਹਮਲਾ ਕੀਤਾ ਗਿਆ ਅਤੇ ਸੰਯੁਕਤ ਅਰਬ ਅਮੀਰਾਤ (UAE) ਵਿੱਚ ਇੱਕ ਤੇਲ ਪਲਾਂਟ ਨਾਲ ਇੱਕ ਰੋਕੇ ਗਏ ਈਰਾਨੀ ਡਰੋਨ ਦਾ ਮਲਬਾ ਟਕਰਾਇਆ। ਇਕ ਮੀਡੀਆ ਦੀਆਂ ਤਸਵੀਰਾਂ ਵਿੱਚ ਇਰਾਕੀ ਰਾਜਧਾਨੀ ਵਿੱਚ ਦੂਤਾਵਾਸ ਦੇ ਕੰਪਾਊਂਡ ਉੱਤੇ ਧੂੰਏਂ ਦਾ ਗੁਬਾਰ ਉੱਠਦਾ ਦਿਖਾਈ ਦਿੱਤਾ ਅਤੇ ਯੂਏਈ ਦੇ ਫੁਜੈਰਾਹ ਬੰਦਰਗਾਹ ਵਿੱਚ ਅੱਗ ਲੱਗੀ ਦਿਖਾਈ ਦਿੱਤੀ,ਜੋ ਅਧਿਕਾਰੀਆਂ ਅਨੁਸਾਰ ਡਰੋਨ ਨੂੰ ਰੋਕਣ ਤੋਂ ਬਾਅਦ ਲੱਗੀ ਸੀ।
ਇੱਕ ਦਿਨ ਪਹਿਲਾਂ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਕਿਹਾ ਸੀ ਕਿ ਅਮਰੀਕਾ ਨੇ ਇਰਾਨ ਦੇ ਤੇਲ ਨੈੱਟਵਰਕ ਲਈ ਅਹਿਮ ਟਾਪੂ ’ਤੇ ਫੌਜੀ ਟਿਕਾਣਿਆਂ ਨੂੰ ਤਬਾਹ ਕਰ ਦਿੱਤਾ ਹੈ ਅਤੇ ਚਿਤਾਵਨੀ ਦਿੱਤੀ ਹੈ ਕਿ ਜੇ ਇਰਾਨ ਹੋਰਮੁਜ਼ ਜਲਡਮਰੂ ਰਾਹੀਂ ਜਹਾਜ਼ਾਂ ਦੇ ਲੰਘਣ ਵਿੱਚ ਦਖਲਅੰਦਾਜ਼ੀ ਜਾਰੀ ਰੱਖਦਾ ਹੈ ਤਾਂ ਅਗਲਾ ਨਿਸ਼ਾਨਾ ਉਸਦਾ ਤੇਲ ਬੁਨਿਆਦੀ ਢਾਂਚਾ ਹੋ ਸਕਦਾ ਹੈ।
