ਕੈਨੇਡੀਅਨ ਸਪੇਸ ਏਜੰਸੀ ਦੀ ਪਹਿਲੀ ਸਪੇਸ-ਟੂ-ਅਰਥ ਵੀਡੀਓ ਕਾਲ ਨਾਲ ਰਚਿਆ ਇਤਿਹਾਸ

ਆਪਣਾ ਪੰਜਾਬ ਮੀਡੀਆ : ਕੈਨੇਡੀਅਨ ਅੰਤਰਿਕਸ਼ ਯਾਤਰੀ ਜੇਰਮੀ ਹੈਨਸਨ ਨੇ ਆਰਟੇਮਿਸ-2 ਮਿਸ਼ਨ ਦੌਰਾਨ ਡੀਪ ਸਪੇਸ ਤੋਂ ਧਰਤੀ ਨਾਲ ਲਾਈਵ ਵੀਡੀਓ ਕਾਲ ਕਰਕੇ ਇਤਿਹਾਸ ਰਚ ਦਿੱਤਾ ਹੈ। ਇਹ ਕੈਨੇਡੀਅਨ ਸਪੇਸ ਏਜੰਸੀ ਲਈ ਪਹਿਲੀ ਵਾਰ ਹੈ ਕਿ ਕਿਸੇ ਅੰਤਰਿਕਸ਼ ਯਾਤਰੀ ਨੇ ਡੀਪ ਸਪੇਸ ਤੋਂ ਸਿੱਧੀ ਗੱਲਬਾਤ ਕੀਤੀ ਹੋਵੇ। ਇਹ ਵਰਚੁਅਲ ਪ੍ਰੋਗਰਾਮ ਸ਼ਨੀਵਾਰ ਸਵੇਰੇ ਹੋਇਆ ਸੀ, ਜਿਸ ਵਿੱਚ ਹੈਨਸਨ ਨੇ  ਨਾਸਾ ਦੇ ਓਰਾਇਨ ਅੰਤਰਿਕਸ਼ ਯਾਨ ਤੋਂ ਸਵਾਲ-ਜਵਾਬ ਸੈਸ਼ਨ ਵਿੱਚ ਹਿੱਸਾ ਲਿਆ।
 ਹੈਨਸਨ ਨੇ ਦੱਸਿਆ ਕਿ ਟ੍ਰੇਨਿੰਗ ਦੌਰਾਨ ਬਹੁਤ ਤਿਆਰੀ ਕਰਵਾਈ ਜਾਂਦੀ ਹੈ, ਪਰ ਅਸਲ ਵਿੱਚ ਰਾਕੇਟ `ਤੇ ਸਫ਼ਰ ਕਰਨ ਦਾ ਅਨੁਭਵ ਬਿਲਕੁਲ ਵੱਖਰਾ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਅੰਤਰਿਕਸ਼ ਤੋਂ ਧਰਤੀ ਅਤੇ ਚੰਦਰਮਾ ਦੇ ਨਜ਼ਾਰੇ ਬੇਹੱਦ ਸੁੰਦਰ ਹਨ।
 ਇਹ 10 ਦਿਨਾਂ ਦਾ ਲੂਨਰ ਫਲਾਈਬਾਈ ਮਿਸ਼ਨ ਹੈ ਅਤੇ ਇਸ ਦੌਰਾਨ ਹੋਰ ਵੀ ਸਪੇਸ-ਟੂ-ਅਰਥ ਸੰਚਾਰ ਪ੍ਰੋਗਰਾਮ ਕੀਤੇ ਜਾਣਗੇ। ਹੈਨਸਨ ਆਰਟੇਮਿਸ-2 ਮਿਸ਼ਨ ਵਿੱਚ ਸ਼ਾਮਿਲ ਹੋਣ ਵਾਲੇ ਪਹਿਲੇ ਕੈਨੇਡੀਅਨ ਹਨ ਜੋ ਡੀਪ ਸਪੇਸ ਤੱਕ ਗਏ ਹਨ।