ਸਿਰਲੇਖ: ਹੋਰਮੁਜ਼ ਵਿੱਚ ਜਹਾਜ਼ ਭੇਜਣ ਤੋਂ ਸਹਿਯੋਗੀ ਹਿਚਕਚਾਏ

ਆਪਣਾ ਪੰਜਾਬ ਮੀਡੀਆ : ਹੋਰਮੁਜ਼ ਜਲਡਮਰੂ ਵਿੱਚ ਸਮੁੰਦਰੀ ਸੁਰੱਖਿਆ ਲਈ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸੱਦੇ ਨੂੰ ਅਮਰੀਕੀ ਸਹਿਯੋਗੀਆਂ ਵੱਲੋਂ ਠੰਢਾ ਜਵਾਬ ਮਿਲਿਆ ਹੈ। ਆਸਟ੍ਰੇਲੀਆ ਨੇ ਸਪੱਸ਼ਟ ਕੀਤਾ ਕਿ ਉਹ ਇਸ ਖੇਤਰ ਵਿੱਚ ਕੋਈ ਜੰਗੀ ਜਹਾਜ਼ ਨਹੀਂ ਭੇਜੇਗਾ, ਜਦਕਿ ਜਾਪਾਨ ਨੇ ਵੀ ਕਿਹਾ ਹੈ ਕਿ ਫਿਲਹਾਲ ਐਸਕਾਰਟ ਜਹਾਜ਼ ਤਾਇਨਾਤ ਕਰਨ ਬਾਰੇ ਕੋਈ ਫੈਸਲਾ ਨਹੀਂ ਲਿਆ ਗਿਆ।
ਦੱਖਣੀ ਕੋਰੀਆ ਨੇ ਮਾਮਲੇ ’ਤੇ ਸਾਵਧਾਨੀ ਨਾਲ ਵਿਚਾਰ ਜਾਰੀ ਰੱਖਣ ਦੀ ਗੱਲ ਕਹੀ ਹੈ। ਬ੍ਰਿਟੇਨ ਨੇ ਵੀ ਸਿੱਧੀ ਵਚਨਬੱਧਤਾ ਦੇ ਬਜਾਏ ਕੂਟਨੀਤਕ ਸਲਾਹ-ਮਸ਼ਵਰੇ ਨੂੰ ਤਰਜੀਹ ਦਿੱਤੀ ਹੈ। ਟਰੰਪ ਨੇ ਕਿਹਾ ਕਿ ਹੋਰਮੁਜ਼ ਰਾਹੀਂ ਦੁਨੀਆ ਦੇ ਵੱਡੇ ਹਿੱਸੇ ਦਾ ਤੇਲ ਲੰਘਦਾ ਹੈ, ਇਸ ਲਈ ਜਿਨ੍ਹਾਂ ਦੇਸ਼ਾਂ ਨੂੰ ਇਸ ਮਾਰਗ ’ਤੇ ਨਿਰਭਰਤਾ ਹੈ, ਉਹਨਾਂ ਨੂੰ ਇਸ ਦੀ ਸੁਰੱਖਿਆ ਵਿੱਚ ਵੱਧ ਭੂਮਿਕਾ ਨਿਭਾਉਣੀ ਚਾਹੀਦੀ ਹੈ।