ਆਪਣਾ ਪੰਜਾਬ ਮੀਡੀਆ : ਪਾਕਿਸਤਾਨ ਦੇ ਰੱਖਿਆ ਮੰਤਰੀ Khawaja Asif ਵੱਲੋਂ ਇਜ਼ਰਾਈਲ ਬਾਰੇ ਕੀਤੀਆਂ ਤਿੱਖੀਆਂ ਟਿੱਪਣੀਆਂ ਤੋਂ ਬਾਅਦ ਦੋਵੇਂ ਦੇਸ਼ਾਂ ਵਿਚਾਲੇ ਕੂਟਨੀਤਿਕ ਤਣਾਅ ਵਧਦਾ ਨਜ਼ਰ ਆ ਰਿਹਾ ਹੈ। ਅਸਿਫ ਨੇ ਆਪਣੇ ਸੋਸ਼ਲ ਮੀਡੀਆ ਬਿਆਨ ਵਿੱਚ ਇਜ਼ਰਾਈਲ ਨੂੰ “ਬੁਰਾ” ਅਤੇ “ਮਨੁੱਖਤਾ ਲਈ ਸ਼ਰਾਪ” ਕਰਾਰ ਦਿੱਤਾ।
ਇਸ ‘ਤੇ ਤਿੱਖੀ ਪ੍ਰਤੀਕਿਰਿਆ ਦਿੰਦਿਆਂ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ Benjamin Netanyahu ਦੇ ਦਫ਼ਤਰ ਨੇ ਇਨ੍ਹਾਂ ਟਿੱਪਣੀਆਂ ਨੂੰ “ਅਤਿਅੰਤ ਅਪਮਾਨਜਨਕ” ਦੱਸਿਆ। ਪ੍ਰਧਾਨ ਮੰਤਰੀ ਦਫ਼ਤਰ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਕਿ “ਇਜ਼ਰਾਈਲ ਦੇ ਨਾਸ਼ ਦੀ ਗੱਲ ਕਰਨਾ ਕਿਸੇ ਵੀ ਸਰਕਾਰ ਵੱਲੋਂ ਕਬੂਲਯੋਗ ਨਹੀਂ, ਖ਼ਾਸ ਕਰਕੇ ਉਸ ਦੇਸ਼ ਵੱਲੋਂ ਜੋ ਆਪਣੇ ਆਪ ਨੂੰ ਸ਼ਾਂਤੀ ਲਈ ਨਿਰਪੱਖ ਮਧਸਥ ਕਰਾਰ ਦਿੰਦਾ ਹੈ।”
ਆਪਣੇ ਬਿਆਨ ਵਿੱਚ ਅਸਿਫ ਨੇ ਦਾਅਵਾ ਕੀਤਾ ਕਿ ਇਸਲਾਮਾਬਾਦ ਵਿੱਚ ਸ਼ਾਂਤੀ ਵਾਰਤਾਵਾਂ ਜਾਰੀ ਹੋਣ ਦੇ ਬਾਵਜੂਦ ਖੇਤਰ ਵਿੱਚ ਹਿੰਸਾ ਜਾਰੀ ਹੈ। ਉਨ੍ਹਾਂ ਕਿਹਾ ਕਿ “ਮਾਸੂਮ ਨਾਗਰਿਕਾਂ ਦੀ ਹੱਤਿਆ ਹੋ ਰਹੀ ਹੈ—ਪਹਿਲਾਂ ਗਾਜ਼ਾ, ਫਿਰ ਈਰਾਨ ਅਤੇ ਹੁਣ ਲੈਬਨਾਨ ਵਿੱਚ ਵੀ ਖੂਨਖਰਾਬਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ।”
