ਰੂਸ-ਅਮਰੀਕਾ ਵਿਚਾਲੇ ਕੂਟਨੀਤਕ ਗੱਲਬਾਤ ’ਤੇ ਨਜ਼ਰ, ਯੂਕਰੇਨ ਜੰਗ ਦੇ ਹੱਲ ਲਈ ਸੰਭਾਵੀ ਰਾਹਾਂ ਬਾਰੇ ਵਿਚਾਰ-ਵਟਾਂਦਰਾ
ਮਾਸਕੋ — ਆਪਣਾ ਪੰਜਾਬ ਮੀਡੀਆ। ਅਮਰੀਕੀ ਵਿਸ਼ੇਸ਼ ਦੂਤ ਸਟੀਵ ਵਿਟਕੌਫ਼ ਨੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨਾਲ ਮੁਲਾਕਾਤ ਕੀਤੀ। ਇਸ ਦੌਰਾਨ ਰੂਸ ਅਤੇ ਯੂਕਰੇਨ ਵਿਚਾਲੇ ਜਾਰੀ ਜੰਗ ਨੂੰ ਖ਼ਤਮ ਕਰਨ ਦੀਆਂ ਸੰਭਾਵਨਾਵਾਂ ਬਾਰੇ ਚਰਚਾ ਹੋਈ। ਇਹ ਮੁਲਾਕਾਤ ਜੰਗ ਦੇ ਹੱਲ ਲਈ ਕੂਟਨੀਤਕ ਕੋਸ਼ਿਸ਼ਾਂ ਦੇ ਸੰਦਰਭ ਵਿੱਚ ਅਹਿਮ ਮੰਨੀ ਜਾ ਰਹੀ ਹੈ।
ਵਿਟਕੌਫ਼ ਨੇ ਸੇਂਟ ਪੀਟਰਸਬਰਗ ਵਿੱਚ ਹੋਈ ਮੁਲਾਕਾਤ ਦੌਰਾਨ ਪੁਤਿਨ ਨੂੰ ਰੂਸ, ਅਮਰੀਕਾ ਅਤੇ ਯੂਕਰੇਨ ਵਿਚਾਲੇ ਤਿੰਨ-ਧਿਰੀ ਸ਼ਾਂਤੀ ਵਾਰਤਾ ਮੁੜ ਸ਼ੁਰੂ ਕਰਨ ’ਤੇ ਵਿਚਾਰ ਕਰਨ ਦੀ ਅਪੀਲ ਕੀਤੀ। ਰੂਸੀ ਅਧਿਕਾਰੀਆਂ ਮੁਤਾਬਕ, ਪੁਤਿਨ ਨੇ ਸਿਧਾਂਤਕ ਤੌਰ ’ਤੇ ਨਵੰਬਰ ਦੇ ਮੱਧ ਤੋਂ ਬਾਅਦ ਅਜਿਹੀ ਗੱਲਬਾਤ ਮੁੜ ਸ਼ੁਰੂ ਕਰਨ ਦੀ ਸੰਭਾਵਨਾ ’ਤੇ ਸਹਿਮਤੀ ਜਤਾਈ। ਹਾਲਾਂਕਿ, ਜੰਗ ਖ਼ਤਮ ਕਰਨ ਲਈ ਖੇਤਰੀ ਵਿਵਾਦਾਂ, ਸੁਰੱਖਿਆ ਗਾਰੰਟੀਆਂ ਅਤੇ ਦੋਵਾਂ ਧਿਰਾਂ ਦੀਆਂ ਸ਼ਰਤਾਂ ’ਤੇ ਸਹਿਮਤੀ ਬਣਾਉਣਾ ਵੱਡੀ ਚੁਣੌਤੀ ਰਹੇਗਾ। ਇਸ ਮੁਲਾਕਾਤ ਦੌਰਾਨ ਰੂਸ ਵਿੱਚ ਕੈਦ ਅਮਰੀਕੀ ਨਾਗਰਿਕ ਸਟੀਫਨ ਹਬਾਰਡ ਦੀ ਰਿਹਾਈ ਦਾ ਮਾਮਲਾ ਵੀ ਸਾਹਮਣੇ ਆਇਆ।
