ਆਪਣਾ ਪੰਜਾਬ ਮੀਡੀਆ : ਟੋਰਾਂਟੋ ਵਿੱਚ ਇਕ ਵੱਡਾ ਵਿਵਾਦ ਉਭਰਿਆ ਹੈ, ਜਿੱਥੇ ਸ਼ਹਿਰ ਵੱਲੋਂ ਪਿਛਲੇ ਸਾਲ 16 ਮਿਲੀਅਨ ਡਾਲਰ ਵਿੱਚ ਖਰੀਦੀ ਗਈ ਇੱਕ ਇਮਾਰਤ ਹੁਣ ਮੁਫ਼ਤ ਦੇਣ ਦੀ ਯੋਜਨਾ ਬਣ ਰਹੀ ਹੈ। ਇਹ ਪੰਜ ਮੰਜਿ਼ਲਾ ਇਮਾਰਤ 720 ਬਾਥਰਸਟ ਸਟਰੀਟ ’ਤੇ ਸਥਿਤ ਹੈ। ਰਿਪੋਰਟਾਂ ਮੁਤਾਬਕ, ਸਿਟੀ ਹਾਲ ਇਸ ਇਮਾਰਤ ਨੂੰ ਇੱਕ ਅਜਿਹੇ ਗਰੁੱਪ ਨੂੰ ਸੌਂਪ ਸਕਦਾ ਹੈ ਜੋ ਇੱਥੇ ਮੂਲ ਨਿਵਾਸੀ ਮਰਦਾਂ ਲਈ ਹੋਮਲੈੱਸ ਸ਼ੈਲਟਰ ਚਲਾਉਣ ਦੀ ਯੋਜਨਾ ਬਣਾ ਰਿਹਾ ਹੈ।
ਇਹ ਇਮਾਰਤ Centre for Social Innovation ਤੋਂ ਖਰੀਦੀ ਗਈ ਸੀ, ਜਿਸਦੀ ਸਥਾਪਨਾ ਵਿੱਚ Pat Tobin ਦੀ ਭੂਮਿਕਾ ਰਹੀ ਹੈ। ਟੋਬਿਨ ਇਸ ਸਮੇਂ ਸ਼ਹਿਰ ਦੇ ਆਰਥਿਕ ਵਿਕਾਸ ਅਤੇ ਸੱਭਿਆਚਾਰ ਵਿਭਾਗ ਦੇ ਮੁਖੀ ਹਨ।
ਸਿਟੀ ਪ੍ਰਸ਼ਾਸਨ ਨੇ ਬਿਆਨ ਜਾਰੀ ਕਰਕੇ ਕਿਹਾ ਹੈ ਕਿ ਸਾਰੇ ਨਿਯਮ ਅਤੇ ਟਕਰਾਅ-ਹਿਤ ਸੁਰੱਖਿਆ ਪ੍ਰੋਟੋਕਾਲ ਪੂਰੀ ਤਰ੍ਹਾਂ ਮੰਨੇ ਗਏ ਹਨ। ਟੋਬਿਨ ਨੇ ਵੀ ਕਿਹਾ ਕਿ ਉਹ ਕਈ ਸਾਲਾਂ ਤੋਂ ਇਸ ਸੰਸਥਾ ਨਾਲ ਸਰਕਾਰੀ ਤੌਰ ’ਤੇ ਨਹੀਂ ਜੁੜੇ।
ਹਾਲਾਂਕਿ, ਇਸ ਸੌਦੇ ਨੂੰ ਲੈ ਕੇ ਸਵਾਲ ਉੱਠ ਰਹੇ ਹਨ ਕਿਉਂਕਿ ਇਹ ਇਕੱਲਾ ਮਾਮਲਾ ਨਹੀਂ ਹੈ। ਜਾਣਕਾਰੀ ਅਨੁਸਾਰ, Aboriginal Labour Force Development Circle ਅਤੇ ਇਸ ਨਾਲ ਜੁੜੀਆਂ ਹੋਰ ਸੰਸਥਾਵਾਂ ਨੂੰ ਜ਼ਮੀਨ ਜਾਂ ਫੰਡਾਂ ਦੇ ਹੋਰ ਵੀ ਮਾਮਲੇ ਸਾਹਮਣੇ ਆਏ ਹਨ। ਇਹ ਵੀ ਸਾਹਮਣੇ ਆਇਆ ਹੈ ਕਿ ਇਨ੍ਹਾਂ ਗਰੁੱਪਾਂ ਵਿੱਚੋਂ ਕੁਝ 2023 ਵਿੱਚ ਮੇਅਰ ਓਲੀਵੀਆ ਚਾਓ ਨਾਲ ਲਾਬੀਇੰਗ ਕਰਦੇ ਰਹੇ ਸਨ, ਜਿਸ ਕਾਰਨ ਮਾਮਲੇ ’ਤੇ ਹੋਰ ਸਵਾਲ ਖੜੇ੍ਹ ਹੋ ਰਹੇ ਹਨ।
