ਆਸਟ੍ਰੇਲੀਆ  ‘ਚ ਭੋਜਨ ਸੁਰੱਖਿਆ ਲਈ ਪੰਜਾਬੀ ਮੂਲ ਦਾ ਵਿਗਿਆਨੀ ਡਾ: ਸੁਖਵਿੰਦਰ ਪਾਲ ਸਿੰਘ ਨੂੰ ਰਾਸ਼ਟਰੀ ਪੁਰਸਕਾਰ ਨਾਲ ਕੀਤਾ ਗਿਆ ਸਨਮਾਨਤ

 ਮਿਲਾਨ/ਇਟਲੀ  : ਆਪਣਾ ਪੰਜਾਬ ਮੀਡੀਆ : ਸੂਬਾ ਨਿਊ ਸਾਊਥ ਵੇਲਜ਼ ਦੇ ਭੋਜਨ ਵਿਗਿਆਨ ਅਤੇ ਤਕਨਾਲੋਜੀ ਬਾਰੇ ਆਸਟਰੇਲੀਅਨ ਇੰਸਟੀਚਿਊਟ (ਏਆਈਐਫਐਸਟੀ) ਤੋਂ ਐਨਐਸਡਬਲਿਊ ਦੇ ਪ੍ਰਾਇਮਰੀ ਇੰਡਸਟਰੀ ਐਂਡ ਰੀਜਨਲ ਡਿਵੈਲਮੈਂਟ ਵਿਭਾਗ ਵਿਚ ਕੰਮ ਕਰਦੇ ਡਾ: ਸੁਖਵਿੰਦਰ ਪਾਲ ਸਿੰਘ ਨੂੰ ਸਰਵੋਤਮ ਭੋਜਨ ਸੁਰੱਖਿਆ ਪੁਰਸਕਾਰ 2025 ਨਾਲ ਨਿਵਾਜਿਆ ਗਿਆ| ਇਸ ਰਾਸ਼ਟਰੀ ਪੁਰਸਕਾਰ ਨਾਲ ਆਸਟਰੇਲੀਆ ’ਚ ਭੋਜਨ ਸੁਰੱਖਿਆ ਵਧਾਉਣ ਵਿਚ ਡਾ: ਸਿੰਘ ਦੇ ਮਹੱਤਵਪੂਰਨ ਯੋਗਦਾਨ ਨੂੰ ਮਾਨਤਾ ਮਿਲੀ ਹੈ|
ਇਸ ਨਾਲ ਉਨ੍ਹਾਂ ਦੀ ਲੀਡਰਸ਼ਿਪ, ਖੋਜ ਉੱਤਮਤਾ ਅਤੇ ਸਾਰੇ ਲੋਕਾਂ ਲਈ ਯਕੀਨੀ ਬਣਾਉਣ ਲਈ ਅਟੁੱਟ ਵਚਨਬੱਧਤਾ ਉਜਾਗਰ ਹੋਈ ਹੈ| ਇਸ ਮੌਕੇ ਐਨ ਐਸ਼ ਡਬਲਿਯੂ  ਡਾਇਰੈਕਟਰ ਡਾ. ਅਲੀਸਨ ਐਂਡਰਸਨ ਨੇ ਕਿਹਾ ਕਿ ਡਾ: ਸੁਖਵਿੰਦਰ ਦਾ ਕੰਮ ਬਾਗ਼ਬਾਨੀ ਸਪਲਾਈ ਚੇਨ ਵਿਚ ਸੁਰੱਖਿਆ ਅਭਿਆਸਾਂ ਵਿਚ ਬਦਲਾਅ ਲਿਆ ਰਿਹਾ ਹੈ, ਜਿਸ ਨਾਲ ਘਰੇਲੂ ਅਤੇ ਨਿਰਯਾਤ ਬਾਜ਼ਾਰ ਪ੍ਰਫੁੱਲਤ ਹੋ ਰਹੇ ਹਨ | ਪੁਰਸਕਾਰ ਲਈ ਧਨਵਾਦ ਕਰਦਿਆਂ ਡਾ. ਸਿੰਘ ਨੇ ਕਿਹਾ ਅਪਣੀ ਖੋਜ ਭਾਈਵਾਲੀਆਂ ਰਾਹੀਂ ਤਾਜ਼ਾ ਉਗਾਇਆ ਭੋਜਨ ਦੇਸ਼ ਅਤੇ ਵਿਦੇਸ਼ ਦੇ ਖਪਤਕਾਰਾਂ ਲਈ ਸੁਰੱਖਿਅਤ ਅਤੇ ਭਰੋਸੇਮੰਦ ਹੋਵੇ।