ਦੁਨੀਆਂ ਦੇ ਸਭ ਤੋਂ ਸੁਰੱਖਿਅਤ ਦੇਸ਼ਾਂ ਦੀ ਸੂਚੀ ਵਿੱਚ ਆਸਟ੍ਰੇਲੀਆ ਨੂੰ ਮਿਲਿਆ 18ਵਾਂ ਸਥਾਨ

ਸਿਡਨੀ : ਆਪਣਾ ਪੰਜਾਬ ਮੀਡੀਆ –  ਦੁਨੀਆ ਦੇ ਸਭ ਤੋਂ ਸੁਰੱਖਿਅਤ ਦੇਸ਼ਾਂ ਦੀ ਸਾਲਾਨਾ ਰੈਂਕਿੰਗ ਜਾਰੀ ਹੋ ਗਈ ਹੈ ਜਿਸ ਵਿੱਚ ਆਸਟ੍ਰੇਲੀਆ ਨੂੰ 18ਵਾਂ ਸਥਾਨ ਮਿਲਿਆ ਹੈ। ਇਹ ਰਿਪੋਰਟ ਇੰਸਟੀਚਿਊਟ ਫਾਰ ਇਕਨਾਮਿਕਸ ਐਂਡ ਪੀਸ ਵੱਲੋਂ ਜਾਰੀ ਕੀਤੀ ਗਈ ਗਲੋਬਲ ਪੀਸ ਇੰਡੈਕਸ 2025 ਤੇ ਅਧਾਰਿਤ ਹੈ। ਰਿਪੋਰਟ ਵਿੱਚ ਕੁੱਲ 163 ਦੇਸ਼ਾਂ ਅਤੇ ਖੇਤਰਾਂ ਨੂੰ ਉਨ੍ਹਾਂ ਦੀ ਸਮਾਜਿਕ ਸੁਰੱਖਿਆ, ਘਰੇਲੂ ਅਤੇ ਅੰਤਰਰਾਸ਼ਟਰੀ ਸੰਘਰਸ਼, ਅਤੇ ਸੈਨਿਕਤਾ ਦੇ ਪੱਧਰ ਅਨੁਸਾਰ ਅੰਕ ਦਿੱਤੇ ਗਏ।
ਇਸ ਸਾਲ ਦੀ ਰੈਂਕਿੰਗ ਵਿੱਚ ਆਈਸਲੈਂਡ ਪਹਿਲੇ, ਆਇਰਲੈਂਡ ਦੂਜੇ ਅਤੇ ਨਿਊਜ਼ੀਲੈਂਡ ਤੀਜੇ ਸਥਾਨ ‘ਤੇ ਹਨ। ਵੱਡੀਆਂ ਅਰਥਵਿਵਸਥਾਵਾਂ ਵਿੱਚੋਂ ਯੂਕੇ 30ਵੇਂ ਅਤੇ ਅਮਰੀਕਾ 128ਵੇਂ ਸਥਾਨ ‘ਤੇ ਹਨ। ਜੰਗ-ਪੀੜਤ ਯੂਕਰੇਨ 162ਵੇਂ, ਜਦਕਿ ਰੂਸ 163ਵੇਂ ਸਥਾਨ ‘ਤੇ ਹੈ। ਹਾਲਾਂਕਿ ਆਸਟ੍ਰੇਲੀਆ ਟੌਪ 10 ਵਿੱਚ ਨਹੀਂ ਆ ਸਕਿਆ, ਪਰ 18ਵਾਂ ਸਥਾਨ ਮਿਲਣਾ ਇਸ ਗੱਲ ਦਾ ਸਬੂਤ ਹੈ ਕਿ ਦੇਸ਼ ਨੂੰ ਹਾਲੇ ਵੀ ਸੁਰੱਖਿਅਤ ਅਤੇ ਸ਼ਾਂਤੀਪ੍ਰਿਯ ਰਾਸ਼ਟਰਾਂ ਵਿੱਚ ਗਿਣਿਆ ਜਾਂਦਾ ਹੈ।