ਪੈਂਡਾ ਬਹੁਤ ਔਖਾ ਹੈ: ਜਗਜੀਤ ਡੱਲੇਵਾਲ

ਮਰਨ ਵਰਤ ’ਤੇ ਬੈਠਣ ਵਾਲਾ ਜਥਾ ਰਵਾਨਾ ਕਰਨ ਤੋਂ ਪਹਿਲਾਂ ਕਿਸਾਨ ਆਗੂ ਕਾਕਾ ਸਿੰਘ ਕੋਟੜਾ ਨੇ ਮੰਚ ਤੋਂ ਜਗਜੀਤ ਸਿੰਘ ਡੱਲੇਵਾਲ ਵੱਲੋਂ ਭੇਜਿਆ ਗਿਆ ਸੁਨੇਹਾ ਪੜ੍ਹ ਕੇ ਸੁਣਾਇਆ। ਉਨ੍ਹਾਂ ਦੱਸਿਆ ਕਿ ਡੱਲੇਵਾਲ ਨੇ ਚੌਕਸ ਕੀਤਾ ਕਿ ਇਹ ਪੈਂਡਾ ਬਹੁਤ ਔਖਾ ਹੈ ਅਤੇ ਅੰਨ ਦਾ ਦਾਣਾ ਨਾ ਖਾਣ ਦਾ ਨਾਮ ਹੁੰਦਾ ਹੈ ਮਰਨ ਵਰਤ। ਇਸ ਦੌਰਾਨ ਸਿਰਫ਼ ਪਾਣੀ ਹੀ ਪੀਤਾ ਜਾ ਸਕਦਾ ਹੈ। ਡੱਲੇਵਾਲ ਨੇ ਆਪਣੇ ਸੁਨੇਹੇ ’ਚ ਕਿਹਾ ਕਿ ਜੇ ਕੋਈ ਕਿਸਾਨ ਆਗੂ ਦਵਾਈ ਖਾਂਦਾ ਹੈ ਤਾਂ ਉਹ ਮਰਨ ਵਰਤ ਤੋਂ ਗੁਰੇਜ਼ ਕਰੇ। ਉਨ੍ਹਾਂ ਕਿਹਾ ਕਿ ਪਰ ਜੇ ਕਿਸੇ ਨੇ ਕੁਰਬਾਨੀ ਦੇਣ ਦੀ ਠਾਣ ਹੀ ਲਈ ਹੈ ਤਾਂ ਫੇਰ ਉਹ ਮਰਨ ਵਰਤ ’ਤੇ ਬੈਠਣ ਤੋਂ ਪਹਿਲਾਂ ਇਹ ਪ੍ਰਣ ਵੀ ਕਰਨ ਕਿ ਉਹ ਅੱਜ ਤੋਂ ਬਾਅਦ ਦਵਾਈ ਵੀ ਨਹੀਂ ਲੈਣਗੇ।